هلا تراني جديد وعندي استفسارات

[عاشق ليلها]

[align=center:24925e892e]هلا يا شباب انا ترا مالي في المنتديات بس منتداكم عجبني عشان كذا سجلت فيه المهم ما علينا انا عندي كم سؤال كذا على الماشي انا ناوي ادرس طيران في امريكا
1-كيف اطلع الفيزا علما باني سافرت امريكا قبل 11 سبتمبر
2-كيف اخذ اذن من الfaa علشان يسمحولي ادرس في امريكا
3-كم سعر رخصة الطيران المدني الي هيATP وكم مدتها ووين اقدر ادرسها
4-عطوني رقم او موقع مدرسة طيران في امريكا من نوع part61 الزبده الي هي رخيصة
واذا في متطلبات ثانية قولولي اياها يا شباب والي يبي يدرس طيران عندي له مدرسة في جنوب افريقيا جيده وتعطي متطلبات الخطوط السعودية ورخصتها امريكية واوربية وجنوب افريقيا يعني ثلاث في واحد المهم لاحد يقصر معنا وانا مني مقصر مع احد وسلامتكم[/align:24925e892e]

[عاشق الطيران]

اخوي عاشق ليلها
السلام عليكم ورحمة الله وبركاته

بالنسبة لاستفساراتك

على حد معلوماتي الفيزا لدخول امريكا صعبة جدا جدا الحين الطيارين الضباط في القوات الجوية يتعذبون علشان يخشون امريكا سواء لدورة او عمل فلازم يجيب خطاب من القوات الجوية وشغلة مالها اول ولا اخر بس هي مو مستحيلة بس متعبة شوي وعند برضو بخصوص دراسة الطيران تتعقد الامور شوي فلازم تجيب موافقة من المعهد اللي رايح تدرس فيه وبعض المعاهد يطلبون من السفارة انك تحط ضمان بنكي خوفا من انك تشتغل في امريكا او توهقهم ولاتدفع اللي عليك بس يطلبون مبلغ قوي شوي يعني حدود 300000الف دولاد بس مو كل المعاهد فيه بعضه رخيصة علشان كذا ماتطلب ضمان بنكي وسمعت ايضا ان السفارة تحقق معك بخصوص الدراسة وين بتسكن وليش تدرس طيران وين بتشتغل ورايحين يسالون عنك كانك بتناسبهم ههههه يعني المساله يبيلها ثلاث الى اربع شهور وبخصوص ال faa ماعتقد لازم اذن منهم لان اكثر المعاهد اللي هناك مرخصه من ال faa اهم شيء الموافقة من المعهد وتاخذ الموافق منهم عن طريق الفاكس او الايميل كلن وطريقته اما عن سعر ال atp فوالله ماعندي فكره بس اعتقد ان cpl تاخذها في البداية وهي رخصة الطيران التجاري وسعرها يتراوح من 20000 الف دولار الى 60000 الف دولار امريكي على العموم المدارس في امريكا كثر التراب وفيه في المنتدى موقع دليل لمدارس الطيران تقدر تستفيد منه على اني انا انصحك بالدراسة في الدول العربية احسنلك لانك هناك ماتضمن في اي وقت يقفلون المدارس في وجه العرب مثل ماحصل في ايم 11 سبتمبر ونص اللي درسو هناك كملو دراستهم بالاردن ومصر وغيرها

على العموم اتمنالك التوفيق

اخوك عاشق الطيران