حقيقة لا اخفيها

[الكابتن:متعب]

اول شي احترت وين اكتب هالموضوع في اي قسم . :oops:

بصراحة اشوف ان رغبتي بدراسة الطيران المدني تزداد كل يوم ولاكن كل يوم اكتشف انو مالي اي فرصة لدراسة الطيران .
معدلي ضعيف::::: يعني اذا قلت ابغى ادرس طيران يضحكون على.


يا ناس احب الطيران:::::::::::: لا ياخي معدلك ضعيف وش لون تحب الطيران :idea:

واذا تقول بتوكل على الله وبسأل وين ادرس تبدا تطلع لك اسماء دول تدرس طيران ما تدري وين مكانها اصلا ولو تروح وش بيصير عليك كيف بتدخل وش بيصر بعد ما تتخرج الله اعلم

علشان كذا احس فيك كثير نفس معاناتي واتمنى من منتدانا الغالي ان يكون ملم بمعلومات عن هالأشياء :arrow: مو يروح يسأل مكتب الخطوط حق التذاكر يقول لهم وين ادرس طيران .

[eagle]

السلام عليكم

أخوي كابتن متعب أبيك تجاوبني وبكل صراحة وأنا عارف أني بدخل في خصوصياتك بس لا والله أحب أني أساعد كل من يريد المساعدة والسؤال على النحو التالي:

هل يا أخي متخرج من الثانوية العامة
هل شهادتك علمي أم أدبي
وما هي نسبتك
وأساأل الله أنه يقدرني على مساعدتك والله يوفقنا وإياكم


تحياتي لك

[الكابتن:متعب]

eagle مرحبا اخوي الغالي

هل يا أخي متخرج من الثانوية العامة ::: نعم
هل شهادتك علمي أم أدبي :::علمي
وما هي نسبتك :::65% :arrow:

[eagle]

السلام عليكم

أخوي الكابتن متعب أنت عارف أن الكليات يريدون النسبة من 75% وفوق.

بس في لك حل لية ما تدخل كلية الأمير سلطان للطيران أو تدخل النادي السعودي للطيران ومنها تتعلم علوم الطيران مع أن هذه الكلية الأمير سلطان أهلية على ما أعتقد .

طيب هل رغبتك في تعلم الطيران ؟


وافتتاح هذه الكلية قريبا إنشاء الله .


والله يوفقنا وإيكم وسد خطانا وخطاكم .



ولك تحياتي

[الكابتن:متعب]

يعطيك العافية Eagle عذبتك معاي ان شاء الله بيصير كل خير وابشرك انا الحين طالب جامعة تخصص تقنية معلومات سنة ثانية والحمد لله على كل حال .





شكرا :cry: اول مرة احد يقولي كذا كل الناس يحطموني :roll:

[eagle]

السلام عليكم

لا لا لا أخوي كابتن متعب لا تقول كذا وما شاء الله عليك طالب جامعة وأحب أقولك شيء ذا الزمن ما ينفعك غير شهادتك وأخلاقك وبس

وأحب أقولك شيء أنا ما سويت إلا اللي يرضي ربي ثم الناس المحتاجين للمساعدة إلا أنا ما سويت شيء أبد


وجزاك الله خير وعساك على القوة




ولك تحياتي

[الطيار]

شكرا اخي eagleبصراحه انا تقريباً يشبه الاخ لكن بعد كلامك هذا صراحه كانك ابعدت جبل عن صدري
جزاك الله خير الجزاء

[الاجدل]

ياخي الكريم اذا الله كتب لك التوفيق والدخول في اي مجال والله ان تدخل لو نسبتك 50% انت توكل على الله اولا واخرا



الله يعطيك العا فيه بندر ردود رائعه ومشجعه تسلم ايدك

[الأجرس]

الأجرس يناشدكم وهو مسرور جدا ومتفائل بعد مالقى من موقع القرناس انة الموقع الي يجمع محبين الطيران وكباتنتة :lol: :lol: ماأفضل طريقة لي لدخول القوات الجوية السعودية خصوصاً اني متخرج من الثانوي طبيعي وبنسبة ضعيفة وأنا الان ادرس في الجامعة في المستوى الثاني علوم اجتماعية :?: وشكراً:shock:

[سليمان المحمد]

يا اخوان وخاصة المشرفين تكفون الحقونا وين ندرس انا في اول مستوى بالجامعة قبل لايضيع عمري

[سليمان المحمد]

يا اخوان وخاصة المشرفين تكفون الحقونا وين ندرس انا في اول مستوى بالجامعة قبل لايضيع عمري

[القرناس]

اخوي سليمان.... وش تبي تدرس وانا اعلمك ان شاء الله...

بعدين حدد المنطقة الي تبي تدرس فيها....

وحط في بالك ان الدراسه بتكلف مالا يقل عن 80 الف ريال

[فارس الدوحة]

أخوي حاول تقدم بكلية قطر لعلوم الطيران وهم بيسونلك امتحان واذا نجحت فيه وفي المقابله انشالله راح ياخذونك

[Debreh]

تبـغى تـدرس طيـران / / / / الـدراسـه الخـاصـه مكلـفـه / / / / وحتى النسبـه لو كـانت عـاليـه ممكن و ممكن لا / / / مـاتدخـلك الكليـه الجـويه / / / الارزاق مقسمـه بين النـاس بالأرض / / / وبعـد اكثر من 17 سنـه طيـار أتمنى يرجـع الـوقـت وأشـوف عــلم جـديد أدرســه ، ، ، ، مـاهو تحطيــم ياخـوان ، ، ، لاكــن ، ، ، عــوض الي فـاتـك وابرز نفســك بالتخـصص الي أنــت تـدرســه ولو مـاكان طيب مـادرسـه أحــد قبـلك ، ، ،ولعـل الله ينفـعـك وتنـفـع أخـوانـك وأمتـك بالتخـصص الي أنجبـرت عليـه مثل مـا تقــول ، ، ،
/ / / / / أقـرأ هـذه الابيـات //// لعـل أن تجـد فيـهـا ضــالتــك ، ، أخـوك ، ،،
ومـا مجـاهـدة الإنسـان تـوصـله * * ** * * * * * رزقاً ولا دعـة الإنسـان تقـطعـه
والله قسـم بين الخـلـق رزقهـم * * * * * * * * * *لـم يخـلــق الله مخـلــوقـاً يضيعـه
والسعي في الأرض والارزاق قــد قســمت * * * * بغيٌ ألا إن بغـي المـرء يصـرعـه
والـدهـر يعطي الفتى ماليس يطـلبـه * * * ** * * يـومـاً ويمنعـه من حيث يطعـمـه

[القرناس]

صدقت اخوي debreh... الانسان لا يأخذ الا المكتوب... والان اصبح مجال الطيران صعب جدا... ويحتاج واسطات وغربله...


سؤال: هل لك 17 سنه في الطيران؟؟

[Debreh]

سؤال: هل لك 17 سنه في الطيران؟؟

الحمــد اللـه ، ، ، ،